Генеральная пракуратура Украіны выклікала на допыт прэзідэнта Украіны Пятра Парашэнку ў рамках расследавання злачынстваў, учыненых у студзені-лютым 2014 года ў дачыненні да актывістаў Еўрамайдана.
«Накіраваная ў адміністрацыю позва на 29 лістапада», — цытуе начальніка дэпартамента спецыяльных расследаванняў генпракуратуры Украіны Сяргея Гарбацюка Інтэрфакс.
Паводле дадзеных украінскіх СМІ, Парашэнка выкліканы на допыт у якасці сведкі.
У пачатку лістапада Гарбацюк паскардзіўся, што Парашэнка амаль тры месяцы не прыходзіць на допыт.
«Мы пастаянна чакаем, дамоўленасці ёсць, згода ёсць. Адзінае — што допыту няма», — заявіў пракурор.
У той жа дзень прэс-сакратар прэзідэнта Святаслаў Цаголка паведаміў пра гатоўнасць Парашэнкі прыйсці на допыт у ГПУ пасля афіцыйнага выкліку.
Раней у рамках расследавання злачынстваў, учыненых у студзені-лютым 2014 года ў дачыненні да актывістаў Еўрамайдана былі дапытаныя кіраўнік МУС Арсен Авакаў, кіраўнік РНБА Аляксандр Турчынаў, экс-прэм'ер Арсень Яцанюк і іншыя.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары