Самы злы трэк беларускага рэпу. Angst прэзентаваў новы самотнік з альбому «Стратасфера» АЎДЫЁ
Новы самотнік рэпера завецца «Раздражняе». Аўтар кажа, што гэты трэк дэманструе зрух у гучанні будучага альбому: «Гэта адыход ад лірыкі і рэфлексіі ў бок магчымых канцэртных «баевікоў». Гэта голая эмоцыя, уплеценая ў агрэсіўны сторытэлінг, што праўда з мараллю напрыканцы», — сказаў выканаўца парталу Tuzin.fm.
Музыка створаная ўкраінскім бітмэйкерам Кургузам, з якім найчасцей супрацоўнічае Ангст. Запіс і звядзенне зробленыя на мінскай студыі Nestanda rec.
Ангст перанёс выхад свайго дэбютніка «Стратасфера» на 2017 год. Хоць дыск цалкам запісаны, выканаўца хоча дапрацаваць некаторыя трэкі.
Тым часам вокладка альбому, які яшчэ не выйшаў, зрабіла фурор на конкурсе «UkrainianDesign: The Very Best Of». Праца Аляксандры Карчэўскай перамагла адразу ў дзвюх намінацыях — «Найлепшая графіка» і «Найлепшая дыджытал-вокладка».
Сачыць за навінамі Ангста можна праз яго афіцыйную старонку.
Праект Angst быў створаны ў 2014 годзе, а сапраўднае імя выканаўцы - Віталь Рыжкоў.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары