Сярэдні сакавіцкі заробак на МТЗ склаў 950 рублёў, распавёў агенцтву «Мінск-Навіны» гендырэктар прадпрыемства Фёдар Дамаценка. Пры гэтым апошнія два месяцы, паводле яго слоў, з прадпрыемства ніхто не звальняўся.
— У 2016 годзе мы не проста пратрымаліся, але і змаглі палепшыць становішча. Будзем імкнуцца да павелічэння заробку, бо паказчыкі завода дазваляюць ісці наперад, — удакладніў Фёдар Дамаценка. Нагадаем, у прамысловасці сярэдняя зарплата ў лютым склала 774,6 рубля (за сакавік дадзеныя яшчэ не апублікаваныя).
Гендырэктар прадпрыемства таксама закрануў тэму звальненняў.
— Дэ-факта можна канстатаваць: ужо два месяцы ў нас ніхто не звальняўся. Павышаем прадукцыйнасць працы. У тым ліку за кошт сумяшчэння спецыяльнасцяў, што, дарэчы, не забаронена заканадаўствам. Згодна з нашым унутраным дакументах, калі чалавек звольніўся або пайшоў на пенсію, іншаму работніку не забаронена праявіць ініцыятыву і выконваць працоўныя абавязкі таго, хто сышоў. Пры гэтым прыбаўка да зарплаты можа даходзіць да 50%. Самае цікавае, людзі нас у гэтым падтрымліваюць, - адзначыў Фёдар Дамаценка.
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца17
Каментары