32-гадовы форвард, адзін з самых вядомых беларускіх хакеістаў, Андрэй Касціцын працягне кар'еру ў кітайскім клубе Кантынентальнай хакейнай лігі «Куньлунь Рэд Стар» з Пекіна.
Пра гэта піша Прессбол са спасылкай на сайт «Чэмпіянат.com».
Кантракт будзе заключаны тэрмінам на адзін сезон.
У мінулым сезоне Касціцын выступаў за хакейны клуб «Сочы». У 51 матчы рэгулярнага чэмпіянату КХЛ форвард закінуў 16 шайбаў і аддаў 18 галявых перадач.
З 2005 па 2012 год А. Касціцын гуляў, з невялікімі перапынкамі, у НХЛ за «Манрэаль Канадыенс».
***
«Куньлунь Рэд Стар» быў заснаваны ў 2016 годзе. У першым сезоне выйшаў у плэй-оф, дзе прайграў у 1/8 фіналу.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС27
Каментары