Мінчук хацеў паехаць на працу ў Нарвегію нафтавіком і там добра зарабіць, але ў выніку стаў ахвярай махляроў. Ён нават заплаціў нібыта дзяржаўную пошліну за афармленне дакументаў, аднак грошы насамрэч пералічваў аферыстам, піша ГУУС Мінскага гарвыканкама.
У Фрунзенскае РУУС звярнуўся 44‑гадовы жыхар Мінска, які трапіў у махлярскую схему падчас пошуку працы за мяжой.
Мужчына ўбачыў у інтэрнэце рэкламу вакансіі нафтавіка ў Нарвегіі. Прайшоўшы па спасылцы, ён звязаўся з чалавекам, які прадставіўся прадстаўніком працадаўцы. Суразмоўца падрабязна расказаў пра ўмовы працы і пераканаўча патлумачыў, як будзе адбывацца афармленне неабходных дакументаў.
Пазней мінчуку даслалі спасылку, праз якую ён павінен быў запоўніць анкету са сваімі персанальнымі данымі. Пасля гэтага яму паведамілі, што для афармлення дакументаў неабходна заплаціць дзяржаўную пошліну.
Паверыўшы незнаёмцам, мужчына некалькімі плацяжамі пералічыў ім больш за 3500 рублёў.
Калі ж махляры пасля таго пачалі ціснуць на яго і патрабаваць далейшых дзеянняў, мінчук насцярожыўся і па парадзе знаёмага вырашыў звярнуцца ў міліцыю.
Па факце махлярства распачатая крымінальная справа.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары