Ужо неўзабаве «Камунікат» парадуе Вас кнігай беларускага класіка Васіля Быкава.
Замаўляць на Kamunikat.shop можна ўжо сёння! Да канца жніўня — са зніжкай.
«Доўгая дарога дадому» — адна з самых асабістых кніг Васіля Быкава. Гэта не проста мемуары, а шчыры і глыбокі расповед пра жыцьцё чалавека, чый лёс прайшоў праз галоўныя выпрабаваньні мінулага стагодзьдзя. Ад вясковага дзяцінства на Віцебшчыне — празь перадваенныя гады, вайну, раненні, пасляваенную службу, Горадню, літаратурнае станаўленне, драматычныя сутыкненні з сістэмай — да развагаў пра Беларусь, мову, свабоду, памяць і адказнасьць пісьменьніка», — гаворыцца ў апісанні.
«Доўгая дарога дадому» — кніга пра тое, як чалавек ідзе праз выпрабаваньні да сябе самога, да праўды, да роднага слова і да Бацькаўшчыны.
«Доўгая дарога дадому» — кніга-споведзь, кніга-памяць, кніга-падсумаваньне. У гэтых старонках — ня толькі гісторыя аднаго чалавека, але і жывы вобраз часу, які пакінуў незагойныя раны ў лёсе народу і краіны.
Каментары
Мне кніга непатрэбна. Я ледзь не напамяць ведаю яе ў той частцы пра што сказаў вышэй. Астатняе ў ёй мемуары.