Улад Бумага сабраў у мінскім гандлёвым цэнтры Galleria тры тысячы прыхільнікаў. Арганізатары вырашылі спыніць сустрэчу з хлопцам у гандлёвым цэнтры, паколькі стала зразумела, што можа пачацца цісканіна.
Бумага — сапраўднае прозвішча беларускага блогера. Ютуб-канал стаў папулярным дзякуючы двум відэа, якія высветлілася пасля, былі фэйкамі.
Першае — ноч у аквапарку «Лябяжы». Гэта папулярны жанр відэа на Ютубе, калі задачай блогера становіцца заначаваць у якім-небудзь грамадскім месцы, напрыклад, гандлёвым цэнтры ці кінатэатры. Пасля гледачы выклалі скрыншоты з відэа Улада, дзе былі відаць ахоўнікі аквапарка (таймкод 9:31 на відэа). Але гэта не перашкодзіла яму набраць 8 мільёнаў праглядаў.
Другое відэа, якое прынесла славу блогеру, — ноч у батутнай арэне, якое таксама аказалася фэйкам. Відэа набрала 9 мільёнаў праглядаў.
Яшчэ адно відэа, якое мае 9 мільёнаў праглядаў — песня «Тает Срок». Гэта пародыя на хіт вясны ад украінскага гурта «Грыбы». Відэа прысвечана службе ў войску.
Амаль 4 мільёны набрала відэа, дзе дарослыя хлопцы будуюць сабе пячору са снега.
Пранк (розыгрыш) над татам Улада набраў больш за 3 мільёны праглядаў. Хлопец проста абклеіў машыну бацькі каляровымі сцікерамі.
Канал юнака называецца А4 і мае выключна забаўляльны кантэнт: лайфхакі (карысныя парады), чэленджы (выпрабаванні), пранкі (розыгрышы) ды эксперыменты.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары