Беларусь можа пракарміць 20 мільёнаў чалавек, самая галоўная задача краіны — павялічыць колькасць насельніцтва хоць бы да 15 мільёнаў.
Аляксандр Лукашэнка правёў нараду, на якой заслухаў даклад аб дэмаграфічнай сітуацыі.
«Беларусь можа пракарміць 20 мільёнаў чалавек, — перакананы ён. — А самая галоўная наша задача, якую не мы, дык нашы дзеці павінны вырашыць, — 15 мільёнаў насельніцтва. Гэта эканамічная бяспека нашай краіны, моц нашай дзяржавы, а яна заўсёды ў людзях».
Лукашэнка заклікаў не толькі захаваць прырост насельніцтва, але і прымножыць гэтую дынаміку.
Адзначым, што насамрэч за паўгода колькасць жыхароў Беларусі скарацілася на 9 тысяч чалавек.
«Стварэнне ўмоў для стымулявання нараджальнасці, забеспячэнне людзей працай, рост іх дабрабыту — гэта асноўныя ўрадавыя задачы, задачы мясцовых органаў улады, якія трэба вырашаць. Вырашэнне гэтага сацыяльнага пытання — найжорсткая адказнасць любога чыноўніка», — заявіў Аляксандр Лукашэнка.
Цяпер чытаюць
Дзяцей-футбалістаў з Рэчыцы павезлі ў Геленджык прыфрантовай вобласцю Расіі. У аўтобус папаў беспілотнік10
Каментары