Урад Літвы перадае ЕГУ будынак былога Аўгустынскага кляштара ў самым цэнтры Вільні
31 кастрычніка Урад Літоўскай Рэспублікі прыняў афіцыйнае рашэнне аб перадачы Еўрапейскаму гуманітарнаму ўніверсітэту (ЕГУ) будынка былога Аўгустынскага кляштара — паведаміў ЕГУ. Будучы корпус універсітэта месціцца ў старым горадзе Вільні, што знаходзіцца ў спісе аб’ектаў Сусветнай спадчыны ЮНЕСКА, усяго за 200 метраў ад Віленскай ратушы.
Першым мерапрыемствам, якое адбудзецца ўжо 17 лістапада ў новым навучальным корпусе, будзе ўрачыстая цырымонія, прысвечаная 25-годдзю ЕГУ.
«Гэта важны крок у развіцці ўніверсітэта і супрацоўніцтве з краінай, якая нас прыняла», — адзначыў выконваючы абавязкі Рэктара ЕГУ Ёрген Ёргенсэн.
Былы кляштар Аўгустынскага ордэна быў збудаваны ў канцы XVIII стагоддзя на скрыжаванні сёняшніх вуліц Савічаўс і Бокшта, за 200 метраў ад віленскай Ратушы. Пабудову плошчай больш за 2700 кв. м. вылучаюць арыгінальныя элементы інтэр’еру, у тым ліку фрэскі і брукаваная падлога, якія захаваліся падчас пяцігадовай рэстаўрацыі.
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары