Следчы камітэт завяршыў расследаванне шэрагу крымінальных спраў у дачыненні да кіраўнікоў прадпрыемстваў аграпрамысловага комплексу. Пра гэта паведаміла ў сваім фэйсбуку афіцыйны прадстаўнік ведамства Юлія Ганчарова.
Па дадзеных следства, з ліпеня 2016 года да красавіка 2017 года фігуранты атрымлівалі хабар за забеспячэнне своечасовай і поўнай аплаты пастаўленай камерцыйнай арганізацыяй прадукцыі — кармавых дабавак і ветэрынарных прэпаратаў.
Для накіравання ў суд пракурору перададзены крымінальныя справы па абвінавачванні: намесніка дырэктара УП «Мінская агароднінная фабрыка», генеральнага дырэктара ААТ «Слонімскі мясакамбінат», дырэктара УП «ЖодзінаАграПлемЭліта», дырэктара ААТ «Смалявіцкі райаграсервіс», дырэктара ААТ «Вілейскі камбікормавы завод», дырэктара УП «Барысаўскі камбінат хлебапрадуктаў».
Сумы хабараў па эпізодах, па дадзеных следства, склалі да 3,5 тыс. даляраў ЗША. Памер узнагароджанняў вызначаўся ў працэнтных суадносінах (да 10%) ад сум, якiя пералiчваюцца ў адрас камерцыйнай арганізацыі, і ў залежнасці ад тэрмінаў іх пераводу.
Дзеянні абвінавачаных кваліфікаваны па чч. 1, 2 арт. 430 (атрыманне хабару) Крымінальнага кодэкса Беларусі.
«Акрамя таго, былому дырэктару ААТ «Смалявіцкі райаграсервіс» прад'яўлена абвінавачванне па іншых фактах злачынстваў супраць інтарэсаў службы, звязаных з прычыненнем ў буйным памеры шкоды узначаленаму ім прадпрыемству, істотнай шкоды правам грамадзян, дзяржаўным і грамадскім інтарэсам», - адзначыла Юлія Ганчарова.
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»5
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары