Венгрыя заявіла, што Украіна атакавала нафтаправод і спыніла пастаўкі нафты ў іх краіну
З-за атакі Украіны на нафтаправод пастаўкі нафты з Расію ў Венгрыю прыпыненыя, заявіў кіраўнік венгерскага МЗС Петэр Сіярта.
Міністр замежных спраў Венгрыі Петэр Сіярта. Фота: Horacio Villalobos#Corbis / Corbis via Getty Image
«Украіна зноў атакавала нафтаправод, які вядзе ў Венгрыю, перакрыўшы пастаўкі. Гэта апошняя атака супраць нашай энергетычнай бяспекі з’яўляецца абуральнай і непрымальнай!» — напісаў Сіярта ў твітары.
Паводле яго слоў, расіяне працуюць над аднаўленнем трансфарматарнай станцыі, неабходнай для працы нафтаправода, але пакуль яны не могуць сказаць, калі пастаўкі аднавіцца.
«На працягу 3,5 гадоў Брусель і Кіеў спрабуюць уцягнуць Венгрыю ў вайну ва Украіне. Гэтыя паўторныя ўкраінскія атакі на наша энергетычнае забеспячэнне служаць той жа мэце», — заявіў Сіярта.
Каментары