Беларускі Свабодны тэатр ганараваны Міжнародным прызам Вацлава Гавэла для творчых іншадумцаў (Václav Havel International Prize for Creative Dissent). Ён будзе ўручаны 30 мая ў Осла, у зале Oslo Freedom Forum, дзе ўручаецца Нобелеўская прэмія міру. Пра гэта на сваёй старонцы ў фэйсбуку паведамляе Мікалай Халезін — кіраўнік Беларускага Свабоднага тэатра.
Другім лаўрэатам прыза ў гэтым годзе стаў Эмануэль Джал, хіп-хоп выканаўца з Паўднёвага Судана, які змагаецца за маладых людзей, якія выхоўваюцца ў перыяд вайны, якая доўжыцца больш за дваццаць гадоў.
Прэмія Вацлава Гавэла, заснаваная Human Rights Foundation, адзначае тых, хто з адвагай і кемлівасцю выкрывае хлусня дыктатуры, жывучы ў праўдзе. Сёлета лаўрэаты падзеляць паміж сабой прыз у 350000 нарвежскіх крон.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары