Мітрапаліт Тадэвуш Кандрусевіч павіншаваў Сяргея Румаса з прызначэннем прэм'ер-міністрам
18 жніўня арцыбіскуп Тадэвуш Кандрусевіч, Мітрапаліт Мінска-Магілёўскі, Старшыня Канферэнцыі Каталіцкіх Біскупаў у Беларусі, скіраваў новапрызначанаму прэм’ер-міністру Сяргею Румасу віншаванне ад імя Каталіцкага касцёла, паведамляе catholic.by.
«Ад імя Каталіцкага Касцёла і ад сябе асабіста віншую Вас з прызначэннем на высокую і адказную пасаду кіраўніка ўрада Беларусі. Знамянальна, што гэта адбылося ў дзень святкавання ўрачыстасці Маці Божай Браслаўскай, Валадаркі азёраў», — гаворыцца ў віншаванні.
«Даручаючы Яе апецы Вашае служэнне, выказваю спадзяванне на далейшае развіццё касцёльна-дзяржаўных адносінаў і плённае супрацоўніцтва дзеля дабра ўсяго нашага народа.
Няхай праз заступніцтва Марыі — Каралевы Беларусі — літасцівы і ласкавы Бог адорыць Вас неабходнымі для выканання такой адказнай місіі дарамі, а Яго благаслаўленне няхай заўсёды Вам спадарожнічае.
З малітвай аб Вашым служэнні нашай Бацькаўшчыне».
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары