З'явіўся афіцыйны адказ амбасады Польшчы ў Рэспубліцы Беларусь з нагоды новых правілаў падачы дакументаў на атрыманне шэнгенскай візы.
Пасольства Польшчы ў Беларусі паведамляе, што яго консульскія ўстановы выдаюць амаль палову ўсіх шэнгенскіх віз у Беларусі.
Змены, якія ўводзяцца з 2 студзеня 2019 года, «носяць чыста тэхнічны характар, іх мэта — яшчэ большая адкрытасць на патрэбы грамадзян Беларусі, якія ўязджаюць у Польшчу, а таксама ўязджаюць праз Польшчу ў іншыя краіны-члены Шэнгенскага пагаднення. Грамадзянам Беларусі, якія падаюць дакументы на атрыманне візы, гэтыя змены не прычыняць нязручнасцяў», — гаворыцца ў паведамленні.
Дыпламаты тлумачаць, што краіны-члены Шэнгенскага пагаднення ўніфікавалі пералік патрэбных дакументаў для афармлення візаў.
Сярод абавязковых дакументаў цяпер ёсць пацвярджэнне браніравання гасцініцы ў Польшчы на час знаходжання.
Раней візу «на закупы» выдавалі і без наяўнасці броні гатэля.
-
У Чачэрску правялі паказальны суд над маладзёнамі, якія сарвалі чырвона-зялёны сцяг
-
«Сыходзіць эпоха навуковага стэндапу». Бесараб пра зняцце з пасады былога кіраўніка Акадэміі навук
-
«Раніцай купіў даляры, увечары ўжо не здаць». Ці зменяцца правілы ў абменніках і што банкі робяць з «дрэннай» валютай
Каментары