У расійскім Мінсельгасе заявілі, што мінулагодні ўраджай гародніны, вырашчанай у Расіі, практычна цалкам з’едзены, і цяпер краіна вымушана абапірацца на імпарт з «дружалюбных дзяржаў». Паводле ацэнак ведамства, гэта стала прычынай рэзкага росту цэн на асноўныя прадукты, піша The Moscow Times.
Асабліва падаражэлі ў Расіі кампаненты так званага «баршчавога набору». За год бульба ў розніцы падскочыла ў цане на 166,5%, цыбуля — на 87,2%, капуста — на 56,8%. Буракі падаражэлі на 11,9%, памідоры — на 1,2%, паведамляе Расстат.
Рост цэн у Мінсельгасе тлумачаць высокім попытам і слабай ураджайнасцю ў 2024 годзе, на якую паўплывалі замаразкі і засуха. У мінулым годзе расійскія сельгасвытворцы сабралі 7,3 млн тон бульбы — на 1,2 мільёна менш за патрэбы краіны, што ацэньваюцца ў 8 мільёнаў тон.
У крамах асноўных гандлёвых сетак пацвярджаюць: расійскай гародніны практычна не засталося, на паліцах — бульба з Егіпта, а таксама прадукцыя з Пакістана і Кітая.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары