Чэмпіянат Еўропы па фігурным катанні стартуе сёння ў Мінску выступленнем у кароткай праграме ў жанчын і спартыўных пар, піша БЕЛТА.
Прыме адзін з найстарэйшых турніраў Старога Свету Мінск-арэна, ён праводзіцца 111-ы раз. Упершыню чэмпіянат Еўропы па фігурным катанні адбыўся ў 1891 годзе ў Гамбургу.
У Мінск прыехалі шасціразовы чэмпіён кантынента Хаўер Фернандэс (Іспанія), танцавальная пара з Францыі Габрыэла Пападакіс і Гіём Сізерон, алімпійская чэмпіёнка расіянка Аліна Загітава, спартыўная пара Яўгенія Тарасава і Уладзімір Марозаў. У жаночым адзіночным катанні і выступленні пар сёння адбудзецца кароткая праграма.
Жанчыны пачнуць спаборніцтвы ў 11.45. Медалі ў жаночым катанні будуць разыграны па выніках адвольнай праграмы 25 студзеня.
У 18.00 адбудзецца цырымонія адкрыцця турніру, у якой прымуць удзел вядомыя беларускія музычныя групы.
Завершыцца першы дзень кароткай праграмай сярод спартыўных пар.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)