Расійскія мытнікі знішчылі 640 кг беларускіх цвыркуноў — па дарозе на мясакамбінат
На мінулым тыдні мабільная група Бранскай мытні ў раёне мястэчка Красная Гара ля мяжы з Беларуссю спыніла аўтамабіль, якім кіраваў грамадзянін Беларусі. У грузавым адсеку яго было знойдзена 39 каробак з замарожанымі цвыркунамі агульнай вагой 640 кг, паведамляе прэс-служба Рассельгаснагляда.
Вытворцам і адпраўніком цвыркуноў значылася мінскае прадпрыемства ААТ «ОНТА Біятэхналогіі», а накіроўваліся яны ў Маскву. Паколькі неабходных ветэрынарных суправаджальных дакументаў на груз не было, замарожаных цвыркуноў знішчылі.
Як паведамляецца на сайце «ОНТА Біятэхналогіі», гэтае беларускае прадпрыемства наладзіла прамысловую гадоўлю цвыркуноў. Цвыркуноў возяць на мясакамбінат у Маскву для ўпакоўкі ў бляшанкі, а пасля прадаюць на корм жывёлам. У Беларусі пакуль няма вытворчай лініі, каб пакаваць свежых цвыркуноў у кансервы так, каб пры гэтым не было патрэбы дадаваць кансерванты. Таму іх і адпраўляюць у Расію.
Ядуць такіх насякомых хатнія грызуны, чарапахі, вожыкі.
Гадоўля цвыркуноў — перадавая галіна. У многіх краінах муку з цвыркуноў пачалі выкарыстоўваць у чыпсах ды іншых прадуктах.
Менавіта такі груз і адлавілі на расійскай мяжы, паведамілі ў «ОНТА Біятэхналогіі».
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў18
Каментары