Той самы расійскі дэпутат, супраць якога паўстала Грузія, нядаўна прыязджаў у Мінск
На гэта звяртае ўвагу ў сваім фэйсбуку эксперт і аналітык Андрэй Елісееў.
Пра ўчорашнія пратэсты і штурм парламента ў Грузіі, справакаваныя непаважлівай выхадкай расійскага дэпутата Сяргея Гаўрылава. Гэта той самы Гаўрылаў, які ў пачатку месяца быў у Мінску і тады пацяшаўся з Беларусі. Ён удзельнічаў у мерапрыемстве «Тэрыторыя Саюзнай дзяржавы як адзінае гістарычная, адукацыйная і інфармацыйная прастора», якое арганізавала Грамадзянская ініцыятыва «Саюз». Гэтая арганізацыя наўпрост звязана з антыбеларускай сеткай дэзынфармацыі і прапаганды, якой прысвечана маё нядаўняе даследаванне.
Сустаршыні «Саюза»: Леў Крыштаповіч (рэдактар сайта «Тэлескоп»), Сяргей Лушч (сайт «Наш Гомель»), Станіслаў Бышок (звязаны як мінімум з 4 сайтамі рэгіянальнай сеткі) і расійскі палітык Сяргей Бабурын, суарганізатар «Рускіх маршаў».
Займальна, што Бабурыну быў аказаны цёплы прыём у Віктара Шэймана і кіраўніка прэзідэнцкай Адміністрацыі Наталлі Качанавай.
У час знаходжання ў Мінску Гаўрылаў быў запрошаны ў студыю крамлёўскага рупара «Спутнік Беларусь» разам з Аляксеем Качатковым, ранейшым кіраўніком расійскай арганізацыі CIS-EMO, звязанай з рэгіянальнай сеткай дэзынфармацыі і прапаганды па Беларусі. Сайты сеткі штодня трубяць, што беларусаў як нацыі не існуе, беларуская мова была штучна створаны Захадам для падзелу Расеі ды іншых, домыслы аб гісторыі і культуры Беларусі.
У студыі «Спутніка» Гаўрылаў і Качаткоў казалі пра «агульнарускі свет Расіі і Беларусі», аснова якога — справядлівасць і ўзаемадапамога, у той час як за западнай цывілізацыяй — «асобасны эгаізм», што Беларусі абавязкова трэба зліцца з Расіяй, каб не стаць «разрабаванай, зняважанай калоніяй амерыканскага праекта», і пра тое, што за пратэстамі ў Екацярынбургу стаяць ЗША.
Цяпер чытаюць
«Забіць яго ці адрэзаць яму яйкі я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе12
Каментары