«Белфармацыя» назвала фэйкам інфармацыю пра нібыта недахоп лекаў у краіне
У афіцыйным тэлеграм-канале Міністэрства аховы здароўя з’явілася відэазаява генеральнага дырэктара РУП «Белфармацыя» Сяргея Літоша. Ён заявіў, што інфармацыя пра нібыта дэфіцыт крытычна важных лекавых прэпаратаў у краіне не адпавядае рэчаіснасці.
Паводле інфармацыі Мінздароўя, у інтэрнэце распаўсюджваецца фальшывае пісьмо, якое нібыта даслала «Белфармацыя». У гэтым паведамленні сцвярджаецца, што ў Беларусі няма шэрагу важных лекаў. Але гэта падробка: пісьмо было разаслана з нядаўна створанага акаўнта і не мае нічога супольнага з афіцыйнай інфармацыяй.
Сяргей Літош падкрэсліў, што ўсе неабходныя лекі прысутнічаюць як на аптэчных складах, так і ў медыцынскіх установах. Сфарміраваныя запасы лекаў пакрываюць ад 3 да 9 месяцаў патрэбы, у тым ліку ёсць інсуліны і іншыя прэпараты як беларускага, так і замежнага паходжання.
Ён адзначыў, што фэйкавы ліст быў створаны з мэтай распальвання сацыяльнай напружанасці, бо ў ім згадваюцца асабліва важныя прэпараты для хворых, напрыклад, інсулін.
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы15
Каментары