Расія аднаўляе пантонна-маставыя палкі, расфарміраваныя за Гарбачовым
Пантонна-маставыя палкі і асобныя рамонтна-аднаўленчыя батальёны зноў з'явяцца ў складзе Узброеных сіл РФ, паведаміў камандуючы 2-й гвардзейскай агульнавайсковай арміяй генерал-маёр Андрэй Калатоўкін у інтэрв'ю газеце «Красная звезда».
«Сёлета ў войску сфармаваны ўласны рамонтны батальён. У баявой абстаноўцы вельмі важна мець пад рукой падраздзяленне, здольнае, да прыкладу, хутка ўвесці ў строй танк, які страціў на міне гусеніцу», - распавёў ён.
Нядаўна ў арміі з'явіўся свой інжынерны полк. Яго абсталявалі пантонным паркам ПП-91 новага ўзору, які дазваляе за гадзіну разгарнуць 250-метровы мост праз раку.
Большасць пантонна-маставых злучэнняў расфармавалі яшчэ ў 1989 годзе пры Міхаіле Гарбачове, а рамонтна-аднаўленчыя батальёны - у 2008 годзе, па рашэнні былога міністра абароны Анатоля Сердзюкова.
Як адзначыў галоўны рэдактар часопіса «Арсенал Отчизны» Віктар Мурахоўскі, рашэнні расфармаваць рамонтна-аднаўленчыя батальёны і пантонна-маставыя злучэнні дыктаваліся «канкрэтнай палітычнай абстаноўкай».
У гутарцы з РІА Навіны эксперт выказаў надзею, што ў перспектыве могуць аднавіць таксама іншыя часткі і падраздзяленні, якія раней уваходзілі ў «вайсковыя камплекты». «Перш за ўсё, я маю на ўвазе дэсантна-штурмавыя батальёны і асобныя верталётныя палкі», - патлумачыў суразмоўца агенцтва.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары