Колькі б мы ні распрацоўвалі альтэрнатыўныя віды электрычнасьці, мы імі не пакрыем усіх патрэбаў Беларусі.
Лідэр Маладога Фронту пра пабудову Беларускае атамнае электрастанцыі.
Я ўжо агучваў сваю пазыцыю адносна будаўніцтва АЭС і яна выклікала даволі шумную рэакцыю. Паўтару яшчэ раз,
я зьяўляюся прыхільнікам будаўніцтва атамнай электрастанцыі на Беларусі, бо гэта адпавядае стратэгічным інтарэсам нашай краіны.
Многія дэмакраты, на жаль, займаюцца папулізмам адмаўляючы ўсё тое, што прапаноўвае Лукашэнка. Хаця, канешне, ёсьць і ідэйныя, што называецца, праціўнікі пабудовы АЭС. Аднак большасьць займаюцца проста крытыканствам.
Калі Лукашэнка не прадаваў заводаў, яны крычалі: «Дыктатар, давай прадаваць, няхай ідзе капітал!». Калі ён пачаў прадаваць, яны крычаць: «Дыктатар, не прадавай нашыя заводы!»
Таму мы ў сваіх ацэнках ініцыятываў улады павінны сыходзіць з інтарэсаў Беларусі, а не піяру і ўласных, кароткатэрміновых інтарэсаў. Калі Лукашэнка гаворыць, што не аддасьць бюджэтнаўтваральных прадпрыемстваў Беларусі, бо гэта эканамічнайя незалежнасьць, а на ёй трымаецца незалежнасьць і палітычная, я яго падтрымоўваю. І калі ён гаворыць аб тым, што нам ня выжыць без АЭС, я зь ім таксама згодны. І гэта даўно даказана навукоўцамі.
Колькі б мы ні распрацоўвалі альтэрнатыўныя віды электрычнасьці, мы імі не пакрыем усіх патрэбаў Беларусі.
Адзін з асноўных лёзунгаў праціўнікаў пабудовы АЭС – маўляў, выбухне, і ўсім гамон. Аднак гэты аргумэнт быў бы слушны толькі ў тым выпадку, каб мы жылі на высьпе. Аднак Беларусь атачаюць краіны, якія маюць і будуюць АЭС. У Расеі дык увогуле ў стратэгічным пляне разьвіцьця краіны – пабудова аднаго рэактару штогод! І гэта Расея, зь яе запасамі нафты, газу і іншых выкапняў!
Адзінае, што напружвае мяне, гэта ўдзел у пабудове АЭС Расеі. Каб тое ня сталася яшчэ большаю залежнасьцю, ад якое мы так хочам адарвацца. Аднак гэта пытаньне ўжо не да таго «ці будаваць?», а таго, «як будаваць?»
-
«Здзелка згарэла». Аўтар кнігі «Аўтарытарызм пад пагрозай» пералічыў падставы для аптымізму наконт будучыні Беларусі
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
-
Беларускі інтэрнэт пад ботамі: як іх распазнаваць і што з імі робяць
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала18
Каментары