Некаторыя кандыдаты ў дэпутаты ўспрымаюць кампанію як сур'ёзную палітычную барацьбу з сур'ёзнымі палітычнымі абвінавачваннямі, заявіла кіраўнік ЦВК Лідзія Ярмошына. Яна нагадала, што парушальнікі могуць пазбавіцца свайго статусу за паклёп ці абразы, нават у сацсетках і выступах, звярнуў увагу TUT.BY.
— Думаю, не за гарамі першыя інфармацыйныя спрэчкі, таму што некаторыя кандыдаты ўспрымаюць дадзеную кампанію як сур'ёзную палітычную барацьбу з сур'ёзнымі палітычнымі абвінавачваннямі. (…) Таму, я думаю, тут хутка ўсё забурліць, — сказала Лідзія Ярмошына ў інтэрв'ю Нацыянальнаму прэс-цэнтру.
Паводле яе слоў, могуць узнікнуць пытанні, ці не парушаюць кандыдаты правілы. Бо артыкулам 47 Выбарчага кодэкса прапісаны абмежаванні для перадвыбарчай агітацыі і прапаганды.
— Гэтыя абмежаванні не тычацца размяшчэння інфармацыі ў сацсетках? — удакладніла журналістка.
— Не, гэта тычыцца толькі інфармацыі ў СМІ. Але калі кандыдат будзе і ў сацсетках, і ў сваіх выступах дапускаць паклёп, абразы, распальваць сацыяльную варожасць, заклікаць да гвалтоўнага звяржэння канстытуцыйнага ладу, то гэта падставы для адмены яго рэгістрацыі ў якасці кандыдата ў дэпутаты.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары