На пошце больш не будзе патрэбна запаўняць папяровы бланк аб уручэнні
«Белпошта» паведаміла пра змены ў правілах адпраўкі лістоў і пасылак з паведамленнем аб уручэнні ўнутры Беларусі.
З 26 мая 2026 года больш не трэба запаўняць папяровы бланк паведамлення аб атрыманні. Замест гэтага адпраўніку дастаткова проста пазначыць на канверце або адрасным ярлыку, якое паведамленне яму патрэбна — звычайнае або заказное.
Таксама змяняецца парадак аплаты: цяпер для такой паслугі не выкарыстоўваюцца паштовыя маркі, у тым ліку электронныя.
Фізічныя асобы могуць аплаціць паслугу гатоўкай або банкаўскай карткай, а юрыдычныя асобы і прадпрымальнікі — у безнаяўнай форме.
Пасля таго як атрымальніку дойдзе адпраўленне, «Белпошта» сама раздрукуе паведамленне аб уручэнні і дашле яго адпраўніку.
У гэтым паведамленні будуць пазначаныя асноўныя звесткі: нумар адпраўлення, дата яго прыёму, дзе яно было адпраўлена, даныя атрымальніка, дата ўручэння, а таксама штамп з датай дастаўкі паведамлення адпраўніку.
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары