11‑я класы заканчвае каля 58 тысяч вучняў, а дзявятыя — 101 тысяча.
У Мінску свята апошняга званка пройдзе ў фармаце ўрачыстых лінеек 23 мая. Яны пачнуцца ва ўсіх установах адукацыі а 10:00, пішуць Мінск-навіны.
А 12:30 выпускнікі ўскладуць кветкі да стэлы «Мінск — горад-герой».
А ўвечары ў «Мінск-Арэне» пройдзе гарадское свята «Апошні званок» для выпускнікоў 11‑х класаў. Хэдлайнерам будзе расійскі поп– і рэп-выканаўца Лёша Свік. Пачатак канцэрта — а 17:00.
Да пачатку і пасля заканчэння свята прадугледжана павелічэнне колькасці грамадскага транспарту.
Выпускныя экзамены для 9‑х класаў пройдуць з 1 па 10 чэрвеня: беларуская мова (пераказ), руская мова (пераказ), матэматыка (кантрольная работа), гісторыя Беларусі (па білетах у вуснай форме).
Для выпускнікоў 11‑х класаў выніковыя выпрабаванні праводзяцца ў форме цэнтралізаванага экзамену: ЦЭ па прадмеце на выбар — 26 мая, ЦЭ па рускай або беларускай мове (на выбар вучня) — 29 мая.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны42
Каментары