Vituzzo Superstar/Instagram
Кот па мянушцы Віта стаў зоркай сацыяльных сетак пасля таго, як абедзве яго заднія лапы былі заменены на пратэзы. Пра гэта піша «Бі-бі-сі».
Гадаванец атрымаў такія сур'ёзныя траўмы, трапіўшы пад машыну ў Мілане. Яго гаспадары, спартсменка Сільвія Гатардзі і яе жонка, у гэты час былі ў ад'ездзе. Кот застаўся на апецы іх сябра, які аказаў жывёле першую неабходную дапамогу.
Калі пара даведалася пра здарэнне, яны адразу ж вярнуліся дадому. Дактары былі вымушаныя ампутаваць спачатку адну лапу Віта. Яны спрабавалі выратаваць другую, але так як яна была заражаная інфекцыяй, ім не ўдалося гэтага зрабіць. Адзначаецца, што многіх катоў з двума ампутаванымі лапамі ўсыпляюць.
Vituzzo Superstar, facebook.com
Спачатку медыкі замянілі лапы на часовыя пратэзы, а затым далі Віта пастаянныя. Яны былі выраблены па аналогіі з тымі, якія выкарыстоўваюць спартсмены. Кот паспяхова аднавіўся пасля аперацыі.
У цяперашні момант гаспадары Віта актыўна вядуць яго Instagram, дзе публікуюць відэа і фота з гадаванцам. Мяркуючы па іх, кот часта гуляе і залазіць на канапу.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)