Жыхар Барысава з гранатай у руцэ папрасіў міліцыянераў дапамагчы яму на вуліцы Чапаева днём 20 снежня, паведамляе міліцыя.
Мужчына распавёў супрацоўнікам дэпартамента аховы, што хацеў пажартаваць з прыяцеля і выцягнуў з гранаты загваздку, якую затым згубіў. Не ведаючы, што рабіць, стаў шукаць дапамогі.
Праваахоўнікі акуратна зафіксавалі гранату і паклалі яе на зямлю, накрыўшы каскай і абклаўшы бронекамізэлькамі да прыезду сапёрна-піратэхнічнай групы. Мясцовасць ачапілі. Спецыялісты вызначылі, што прадмет з'яўляецца муляжом для гульні ў страйкбол.
Няўдачлівага жартаўніка — 45-гадовага мясцовага жыхара — затрымалі.
![Клас Клас](https://nashaniva.com/images/reactions/reaction-like.png)
0
![Панылы сорам Панылы сорам](https://nashaniva.com/images/reactions/reaction-facepalm.png)
0
![Ха-ха Ха-ха](https://nashaniva.com/images/reactions/reaction-smile.png)
0
![Ого Ого](https://nashaniva.com/images/reactions/reaction-omg.png)
0
![Сумна Сумна](https://nashaniva.com/images/reactions/reaction-sad.png)
0
![Абуральна Абуральна](https://nashaniva.com/images/reactions/reaction-anger.png)
0