У чацвер Швецыя закрые свае межы і забароніць замежнікам уезд у краіну. Пра гэта паведаміў міністр унутраных спраў Швецыі Мікаэль Дамберг.
«Гэта выключная мера, якая не павінна працягвацца даўжэй, чым неабходна», — сказаў Дамберг.
Пасля закліку Еўрарады і Еўрапейскай камісіі ўрад Швецыі прыняў рашэнне спыніць паездкі ў краіну з чацвярга.
«Рашэнне дзейнічае з 19 сакавіка і на працягу 30 дзён. Гаворка ідзе ў першую чаргу аб прыбыцці рэйсаў, а ўязныя праверкі ўжо праводзяцца», — сказаў Мікаэль Дамберг.
Рашэнне было прынята пасля таго, як лідары ЕС правялі саміт па відэасувязі, падчас якога абмяркоўвалася прапанова ўвесці часовую забарону на ўезд у блок.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары