Зьніклы 9-га траўня пазаштатны карэспандэнт БелаПАН Алесь Асіпцоў затрыманы за, нібыта, адміністрацыйнае правапарушэньне. Пра гэта «Свабодзе» паведаміла жонка журналіста Алена Асіпцова, якой гэтую інфармацыю пацьвердзілі афіцыйна.
«Пазванілі з Магілёўскага ІЧУ і сказалі, што Алесь Асіпцоў знаходзіцца ў іх за адміністрацыйнае правапарушэньне да суда. Сказалі, што суд будзе хутчэй за ўсё заўтра», — распавяла спадарыня Алена.
Як паведамляе БАЖ, магілёўскі актывіст Валадар Цурпанаў высьветліў, што ў панядзелак яго маюць судзіць. Па якім артыкуле — невядома.
9 траўня ў Бабруйску прайшоў несанкцыянаваны «антыпарад», на які заклікаў блогер Сяргей Ціханоўскі. Перад акцыяй затрымалі шэраг журналістаў, сярод якіх быў і Алесь Асіпцоў.
Шэраг калегаў Асіпцова і ягоная жонка тэлефанавалі ў бабруйскія УУС і РАУС, а таксама ў ДПС — там не далі ніякай дакладнай інфармацыі пра Алеся, а жонцы параілі пісаць заяву аб зьнікненьні. Тэлефон Асіпцова па-ранейшаму недасяжны.
Дачка журналіста прасачыла тэлефон бацькі праз адмысловую праграму — апарат знаходзіцца ў Бабруйску, на вуліцы Гогаля, 18. Гэта аддзел міліцыі Ленінскага раёну Бабруйску.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары