Грамадства1010

Даўгі еўрапейскага бізнэсу Дзмітрыя Скіндзерава, якога Літва пазбаўляе прытулку, дасягнулі 354 тысяч еўра

Кампанія Bovaja дэманструе цуды адмоўнага росту. 

Дзмітрый Скіндзераў

«Наша Ніва» азнаёмілася з бухгалтарскай справаздачнасцю кампаніі UAB Bovaja за 2025 год. Яе сузаснавальнікам з'яўляецца прадпрымальнік з Віцебска Дзмітрый Скіндзераў, у якім Літва нядаўна ўбачыла пагрозу нацыянальнай бяспецы.

«Наша Ніва» прысвячала яму падрабязнае расследаванне. 

Чытайце таксама: Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве

Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача

Бухгалтарская справаздачнасць кампаніі UAB Bovaja паказвае, што выручка кампаніі расла:

  • 66 тысяч еўра ў 2022 годзе
  • 141 тысяча еўра ў 2023 годзе
  • 722 тысячы еўра ў 2024 годзе
  • 992 тысячы еўра ў 2025 годзе. 

Пры гэтым, не было ніводнага году, калі б кампанія спрацавала ў плюс:

  • мінус 59 тысяч еўра ў 2022 годзе
  • мінус 25 тысячы еўра ў 2023 годзе
  • мінус 126 тысяч еўра ў 2024 годзе
  • мінус 67 тысяч еўра ў 2025 годзе. 

На канец 2025‑га кампанія з'яўлялася тэхнічным банкрутам з актывамі на 101 тысячу еўра (унутры якіх палова — дэбіторская запазычанасць), а даўгоў мела на 354 тысячы еўра.

Адмоўны капітал, такім чынам, мінус 253 тысячы еўра, што амаль у дзесяць разоў больш за суму статутнага капіталу кампаніі.

Па літоўскіх законах пры наступленні такой сітуацыі кампанія павінна на працягу трох месяцаў склікаць акцыянераў і альбо вырашыць праблему, альбо ліквідавацца. Але ў кампаніі, дзе Скіндзераў суўладальнік, такога не адбываецца. Магчыма, яна па сутнасці — пракладачная.

У ёй працуюць (застрахаваныя) толькі два чалавекі на мінімальных заробках па 532 еўра.

Бухгалтэрыя кампаніі за 2025 год здавалася абы-як і аналізаваць яе складана: аднолькавыя графы дублююцца з рознымі лічбамі ў іх. Калі верыць адным звесткам, то кожную машыну кампанія прадавала амаль у восем разоў даражэй за сабекошт (што неймаверна), калі верыць іншай — то рэнтабельнасць каля нуля ці ў мінус.

Цяпер на балансе кампаніі знаходзіцца 11 машын — у асноўным недарагія французскія малалітражкі, яны ж выстаўлены на сайце кампаніі.

Таксама ў 2025 годзе кампанія змяніла юрыдычны адрас. Цяпер яна апынулася на тым самым адрасе, на якім функцыянуе адна са службаў пасольства Расіі. Але гэта не больш чым супадзенне: там жа дзейнічае камп'ютарны клуб. 

Дзмітрый Скіндзераў — бізнэсмен з Віцебска, які спрабаваў далучыцца да віленскага штаба Святланы Ціханоўскай восенню 2020-га, пасля вярнуўся ў Беларусь і зноў пакінуў яе ў 2021-м. 

Выезд з Беларусі супаў з назапашваннем гіганцкіх пазык ад няўдалых бізнэс-праектаў. Раней жа Скіндзераў быў судзімы за вымагальніцтва.

Увагу Скіндзераў прыцягнуў сваімі дзеяннямі, скіраванымі на раскол беларускай дыяспары.

Каментары10

  • Tut
    18.08.2026
    Цікава што такая мутная бухгалтэрыя і справаздачнасць не прыцягвае увагі кантралюючых органаў. Відавочна ж што фірма нейкая пракладачная для абыходу санкцый ці для адмывання грошай ці яшчэ для чаго не вельмі сумленнага.
  • Entrepreneur
    18.08.2026
    Я вось думаю часамі - якія разумнейшыя людзі гэтыя бізнэсчалавекі, прыдумлялку маюць каб гэнераваць грошы, дамаўляцца, рабіць здзелкі, бачыць рынак, ніколі бы ня змог нават уявіць што быў бы здольны.

    Але потым глядзіш не на гісторыі поспехаў а на астатнія 50% з пазыкамі, банкруцтвам і гэбнёй
  • Буратино или
    18.08.2026
    SKINдерево, типичный схематозник, демагог и просто красауец-хозяйственник из РБ эпохи позднего колхоза. Таких очень много здесь, не буду писать фамилии, чтобы самый толерантный модератор из НН не забанил.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю31

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю31

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць