Магіляўчанка адсудзіла ў былога мужа 500 рублёў за абразы ў вайберы
Праўда, хацела 10 тысяч кампенсацыі.
Суд Ленінскага раёна Магілёва разгледзеў грамадзянскую справу па пазове мясцовай жыхаркі, якая патрабавала кампенсацыі маральнай шкоды за абразы.
Жанчына і мужчына маюць агульнага 10‑гадовага сына. У афіцыйным шлюбе яны не былі і неўзабаве пасля нараджэння дзіцяці перасталі жыць разам. Пры гэтым паміж бацькамі перыядычна ўзнікалі канфлікты наконт парадку сустрэч бацькі з сынам і яго ўдзелу ў выхаванні дзіцяці.
7 чэрвеня 2026 года мужчына адправіў жанчыне праз Viber галасавыя паведамленні з абразамі, наўмысна прынізіўшы яе гонар і годнасць. За гэта яго прыцягнулі да адміністрацыйнай адказнасці паводле ч. 1 арт. 10.2 КаАП Беларусі.
Пазней жанчына звярнулася ў суд і заявіла, што падобныя абразы здараліся і раней, але раней яна ў міліцыю не звярталася. Аднак жа пасля канфлікту ў чэрвені яна вырашыла абараніць свае правы, паколькі сітуацыя закранула і іх непаўналетняга сына.
Паводле слоў жанчыны, пасля абразаў яна адчувала эмацыйнае знясіленне, бездапаможнасць і неабароненасць, у яе ўзніклі праблемы са сном, галаўныя болі і болі ў вобласці сэрца. Яна папрасіла суд спагнаць з мужчыны 10 тысяч рублёў у якасці кампенсацыі маральнай шкоды, а таксама судовыя выдаткі.
Сам мужчына пазоў не прызнаў. Аднак жа, вывучыўшы доказы, суд палічыў патрабаванні жанчыны абгрунтаванымі. У выніку з адказчыка на яе карысць спагналі 500 рублёў кампенсацыі маральнай шкоды, 135 рублёў дзяржаўнай пошліны і 850 рублёў выдаткаў на юрыдычную дапамогу.
У Падмаскоўі беларус забіў іншага беларуса. А пасля ад крыўды раздзеў яго дагала
«Мне трэба пятнаццаць ключоў ад дамафонаў». Як людзі прымушаюць аферыстаў лаяцца і кідаць слухаўку
63‑гадовага былога памежніка з Магілёва асудзілі за абразу Лукашэнкі
У расійскім судзе беларус нецэнзурна назваў супрацоўніка ФСБ «тупым, неразвітым чалавекам». А пасля даказваў, што гэта ён пра сябе
Каментары