Амерыканскі штат Род-Айлэнд і плантацыі Провідэнса перастануць выкарыстоўваць сваю поўную назву ў афіцыйных дакументах з-за гістарычных сувязяў з рабствам. Пра гэта паведамляецца ў пастанове губернатара Джыны Райманд, піша RTVi.
Акрамя таго, слова «плантацыі» знікне з урадавых вэб-сайтаў і афіцыйнай сувенірнай прадукцыі. Фактычна цяпер штат называецца проста Род-Айлэнд.
Пры гэтым для таго, каб афіцыйна змяніць назву, неабходна ўнесці змены ў Канстытуцыю штата. Райманд прапанавала правесці рэферэндум аб змене ў лістападзе 2020 года.
Афіцыйная назва Род-Айленда ўключае прыпіску «Плантацыі Провідэнса» ў гонар аднайменнага паселішча, заснаванага ў 1636 годзе. Цяпер на яго месцы знаходзіцца сталіца штата — горад Провідэнс.
Цікава, што штат быў першым, дзе адмянілі рабства (яшчэ ў 1652), але на працягу доўгага часу ён граў вядучую ролю ў трансатлантычным гандлі людзьмі, гаворыцца ў дакументах Універсітэта Браўна ў Провідэнсе.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна8
Каментары