Гаворка ідзе пра старыя двухпавярховыя дамы, якія падлягаюць абнаўленню ў межах горадабудаўнічых праектаў.
Паэтапная рэканструкцыя тэрыторыі з паступовым зносам двухпавярховых жылых дамоў плануецца ў раёне вул. Кальцова ў Мінску. Пра гэта ў эфіры расказала старшыня камітэта будаўніцтва і інвестыцый Мінгарвыканкама Ірына Гонтарава, пішуць «Мінск-навіны».
— Гаворка ідзе пра старыя двухпавярховыя дамы, якія падлягаюць абнаўленню ў межах горадабудаўнічых праектаў. Сёння гэтыя будынкі маральна састарэлі, на ўнутрыдваровых тэрыторыях захаваліся хлявы, якія маюць непрывабны выгляд, — адзначыла І. Гонтарава.
Першым пад знос пойдзе дом па адрасе: вул. Кальцова, 13. Пачаць яго дэмантаж плануюць ужо сёлета. На яго месцы плануецца ўзвесці новы шматкватэрны дом, куды будуць пераселены жыхары астатніх дамоў, што трапляюць пад знос. Толькі пасля гэтага пачнецца вызваленне пляцоўкі і далейшая забудова тэрыторыі шматпавярхоўкамі.
— Такі падыход дазваляе забяспечыць перасяленне жыхароў у межах раёна, без неабходнасці пераезду ў іншыя часткі горада, і рэалізаваць рэканструкцыю паступова, на працягу некалькіх гадоў, — патлумачыла Ірына Гонтарава.
Каментары