«З меркаванняў сумлення». Рапарт пра звальненне падаў пракурорскі работнік, які спрабаваў завесці справу па факце зверскага збіцця
Рапарт пра звальненне падаў пракурорскі работнік Яўген Бабак, які спрабаваў завесці справу па факце збіцця матацыклістаў людзьмі ў даішнай форме ва Уруччы. «З меркаванняў сумлення» — сцісла патлумачыў ён у сябе ў інстаграме.
«Рашэнне сысці з пракуратуры спела даўно. Але каталізатарам рашэння сталі падзеі 9—12 жніўня».
Кадры зверскага збіцця матацыклістаў, якія ляжаць на зямлі, абышлі інтэрнэт. Гэта было каля развязкі ва Уруччы, у той дзень аўтамабілісты і матацыклісты масава сігналілі ў знак пратэсту супраць абстрэлу мірных дэманстрантаў і фальсіфікацыі выбараў.
Мяркуючы па тым, як наносіліся ўдары, у інтэрнэце выказвалася меркаванне, што гэта былі пераапранутыя ў форму даішнікаў байцы нейкага іншага падраздзялення.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні45
Каментары