Пакуль самы вогненны матч чэмпіянату.
На 27‑й хвіліне лік адкрыў ураджэнец Танзаніі Нестары Іранкунда — рыхтык бразілец Вінісіюс Жуніёр, ды яшчэ ў жоўта-зялёнай форме.
Іранкунда гуляе за «Уотфард» з другога англійскага дывізіёна, які ў свой час купіў і быў дырэктарам сэр Элтан Джон.
Потым Турцыя 60 хвілін атакавала вароты Аўстраліі, тыя мужна і талкова адбіваліся, а найбольш геройстваваў галкіпер «Мельбурна» Патрык Біч.
А на 75‑й хвіліне адбылася контратака «сокеруз», і Конар Меткалф з «Санкт-Паўлі», што пакідае Бундэслігу, з 25 метраў пацэліў у варожую браму — 2:0.
У наступным туры ў гэтай групе 19 чэрвеня згуляюць Аўстралія з ЗША, а Турцыя з Парагваем 20 чэрвеня.
Нагадаем, што ўчора ЗША з буйным лікам выйгралі ў Парагвая 4:1.
Сёння на чэмпіянаце свету пройдуць яшчэ два матчы: Германія — Кюрасаа (20:00) і Нідэрланды — Японія (23:00).
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае9
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Чаму не сенсацыя?
Яны проста цяпер памяняліся месцамі.
Чампіянат свету - гэта еўрапейскі футбол.
Туркі большасць гульцоў з еўрапейскіх акадэмій, палову нарадзіліся і выраслі ў Еўропе.
Тое ж Марока, усе гульцы - выхаванцы еўрапейскага футболу, і акрамя 2, нават нарадзіліся ў Еўропе. І так амаль уся Афрыка, акрамя ПАР. Кюрасаа - гэта другая каманда Нідэрландаў, там нікога з Кюрасаа няма.
Гэта цяпер такі ж бізнэс, як і клубны футбол. Проста гандаль сцягамі з боку нацыянальных федерацый, каб атрымліваць грошы ад турніраў. Ой, твой дзядуля жыў на Арубы, а цябе не клічуць у Галандыю? Хадзі да нас.
Бразільцы скардзяцца, што ў каманду не беруць хатніх узыходзячых зорачак, а толькі гульцоў якія вядомыя па кар'еры ў Еўропе.
Хіба вось у Аўстраліі і ЗША яшчэ ёсць гульцы, якія гуляюць дома і могуць неяк выклікаць там пачуцці аб сваёй сістэме выхавання.