У аграгарадку Мікіціха Шумілінскага раёна мясцовыя жыхары заўважылі медзведзяня. На відэа, якое з’явілася ў тыктоку, відаць, як яно спрабуе пралезці праз сеткавую агароджу каля мясцовай школы, але зрабіць гэта яму не ўдалося.
Гэта ўжо як мінімум трэці выпадак за апошні тыдзень, калі мядзведзі з’яўляюцца паблізу населеных пунктаў у Віцебскай вобласці. Раней такія выпадкі адзначаліся ў Глыбокім і ў вёсцы Лясковічы таго ж Шумілінскага раёна.
У гэтым выпадку медзведзяня вярнулася назад да мядзведзіцы.
Спецыялісты нагадваюць, што пры сустрэчы з дзікімі жывёламі не варта набліжацца да іх або спрабаваць самастойна дапамагчы, тым больш што побач можа аказацца маці, якая будзе абараняць сваё дзіця.
Каментары