Імпарт легкавых аўтамабіляў у Беларусь у першым квартале 2009 году павялічыўся на 20,7% у параўнанні з аналагічным перыядам 2008 году да 39 тыс. адзінак, у грашовым выражэнні імпарт вырас на 4,5% да 236,9 млн дал., вынікае са звестак мытнай статыстыкі.
Па-ранейшаму асноўны аб’ём імпарту ў фізічным выражэнні забяспечваюць фізічныя асобы. Яны ўвезлі ў студзені-красавіку 2009 году 22 тыс. аўтамабіляў (+10%) на суму 127 млн дал. (+14%).
Юрыдычныя асобы павялічылі ўвоз аўтамабіляў у 1,38 разы да 17 тыс шт, у грашовым выражэнні аб’ём вывазу знізіўся на 5,2% да 110 млн. дал.
Імпарт аўтамабіляў юрасобамі ажыццяўляўся пераважна з Германіі – 5,9 тыс. шт. на суму 39,2 млн. дал., Францыі – 4,5 тыс. шт. на суму 18,6 млн. дал., Японіі – 1,2 тыс. адзінак на суму 11,7 млн. дал.
Паводле статыстыкі, у першым квартале 2009 году зафіксаваны рост аб’ёмаў увозу аўтамабіляў з Расіі: імпарт павялічыўся на 11,7% да 345 адзінак, у грашовым выражэнні зафіксавана зніжэнне імпарту ў 1,67 разы да 2,04 млн дал.
Каментары