Гарадзенца Сяргея Рымшу асудзілі на 3,5 года калоніі. Суд палічыў, што ён кінуў камень у машыну з сілавікамі
Суд Ленінскага раёна Гродна вынес вырак Сяргею Рымшу. Яго абвінавацілі адразу па двух артыкулах Крымінальнага кодэкса: 342 і 364. Яго прызналі вінаватым і асудзілі да 3 з паловай гадоў пазбаўлення волі ў калоніі агульнага рэжыму.
Таксама з яго спагналі 375 рублёў на карысць аўтагаспадаркі УУС Гродзенскага аблвыканкама, паведамляе spring96.org.
Справу разгледзеў суддзя Юрый Казакевіч. Дзяржаўны абвінаваўца — Мікіта Мыслівец.
З судовых матэрыялаў было вядома, што Сяргей Рымша быў на Савецкай плошчы Гродна 9 жніўня ў 23:15, калі ў таніраваны мікрааўтобус з сілавікамі паляцеў камень. Неўзабаве Сяргея затрымалі, завезлі ў Ленінскі РАУС, і паведамілі, што на яго заведзеная крымінальная справа.
У якасці пацярпелых выступілі шэсць супрацоўнікаў міліцыі: Чарняўскі, Баярчук, Сталяр, Багушэвіч, Сацура і Літвін.
Дзяржаўны абвінаваўца патрабаваў для Рымшы пазбаўленне волі па двух артыкулах Крымінальнага кодэкса тэрмінам на 4 з паловай гады калоніі агульнага рэжыму.
Цяпер чытаюць
Медыйны прэс-сакратар МНС Віталь Дамбоўскі пайшоў у псіхолагі-сэксолагі3
Каментары