Мэр Віцебска Вадзім Заранкін падаў у адстаўку — у сувязі з пераходам на іншую працу. Пра гэта Tut.by паведаміў 30 студзеня падчас жывой лініі з жыхарамі Віцебска кіраўнік спраў гарвыканкама Віталь Рудзеня.
На пасадзе віцебскага мэра Вадзім Заранкін працаваў апошні дзень 29 студзеня.
Вадзім Заранкін быў віцебскім мэрам год — Лукашэнка ўзгадніў яго прызначэнне 30 студзеня 2020 года. Да гэтага Заранкін узначальваў абласны камітэт дзяржкантролю.
Заранкіну — 57 гадоў, ён нарадзіўся ў вёсцы Бель Дубровенскага раёна, скончыў Беларускую сельскагаспадарчую акадэмію.
У Вадзіма Заранкіна — два сыны: Вадзімір і Філіп. І абодва былі затрыманыя пасля выбараў.
Вадзіміра прызналі вінаватым у правапарушэнні па артыкуле 23.34 КаАП і далі 10 сутак адміністрацыйнага арышту. Аднак пасля суда Вадзіміра не затрымалі. Ён вырашыў апратэставаць рашэнне ў абласным судзе.
У верасні суд пакараў і малодшага сына — Філіпа, адміністрацыйным арыштам за ўдзел у маршы супраць інаўгурацыі Аляксандра Лукашэнкі. Хлопец сцвярджаў, што ў акцыі не ўдзельнічаў, а ішоў дадому з працы.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары73
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць2828
Каментары