Першакурснік сталічнага ліцэя размясціў аб'яву аб продажы iPhone SE. Пакупнік знайшоўся хутка, але заплаціўшы грошы, атрымаў непрацоўны LG. Пракуратура ўзгадніла адміністрацыйнае пакаранне замест крымінальнага, паведамляе Tut.by са спасылкай на прэс-службу ведамства.
16-гадовы хлопец выставіў кошт 180 рублёў, пакупнік неўзабаве знайшоўся, пералічыў першакурсніку грошы і аплаціў паштовыя паслугі.
Атрымаўшы пасылку, у ёй ён замест iPhone SE знайшоў LG, да таго ж яшчэ і непрацоўны. Пакупнік звярнуўся ў міліцыю.
Прадаўца знайшлі хутка. Хлопца хацелі прыцягнуць да крымінальнай адказнасці, але ён прызнаў сваю віну і кампенсаваў шкоду, і яго прыцягнулі да адміністрацыйнай — замест рэальнага або ўмоўнага тэрміну ён атрымаў штраф 20 базавых велічынь (580 рублёў).
Каментары