За апошнія суткі ў Расіі ад каранавіруснай інфекцыі COVID-19 памерлі 737 чалавек, вынікае з даных Федэральнага аператыўнага штаба.
Агенцтва «Масква»
Гэта новы рэкорд смяротнасці, з пачатку пандэміі ў краіне ніколі не рэгістравалі 700 або больш смерцяў за адны суткі. Папярэдні рэкорд быў зафіксаваны 3 ліпеня, калі было абвешчана пра смерць ад каранавіруса 697 чалавек, піша РБК.
Найбольшую колькасць смерцяў ад COVID-19 за апошнія суткі традыцыйна зафіксавалі ў Маскве і Санкт-Пецярбургу. Аднак у найбуйнейшых гарадах Расіі смяротнасць ад хваробы пры гэтым застаецца прыкметна ніжэй за дасягнутыя ў канцы чэрвеня максімумы.
За апошнія суткі ў Маскве зафіксавалі 114 смерцяў ад COVID-19, тады як 28 чэрвеня было абвешчана пра гібель 124 чалавек. У Санкт-Пецярбургу за апошнія суткі ад хваробы памерла 99 чалавек (29 чэрвеня было 119).
Каментары