Навукоўцы знайшлі спосаб прадказаць інсульт за 10 гадоў да таго, як ён здарыцца
Справа ў пагаршэнні ментальных паказчыкаў.
Прызнакі таго, што чалавеку пагражае інсульт, можна выявіць за шмат гадоў да надыходу гэтага стану. Пра гэта сведчыць новая праца нідэрландскіх навукоўцаў.
Эксперты з медыцынскага цэнтра Універсітэта Эразмус у Ратэрдаме назіралі за 14712 удзельнікамі даследавання, старэйшымі за 45 гадоў, на працягу ў сярэднім 12,5 гадоў. У пачатку назірання ўдзельнікі прайшлі праз шэраг тэстаў фізічных і ментальных здольнасцей, кожныя некалькі гадоў тэсты паўтараліся. Яны ўключалі ў сябе праверку памяці, маўлення і хуткасці рэакцыі, а таксама таго, як удзельнікі спраўляюцца з бытавымі справамі накшталт прыбірання і кантролю фінансаў, піша Daily Mail.
Падчас назірання 1662 удзельнікі перажылі першы ў іх жыцці інсульт, іх сярэдні ўзрост пры гэтым склаў 80 гадоў. Пры гэтым вынікі тэстаў у гэтых людзей пачалі горшаць за шмат гадоў да хваробы — у некаторых выпадках за дзесяць гадоў. За два-тры гады да хваробы ў будучых інсультных пацыентаў таксама пачала зніжацца здольнасць выконваць бытавыя справы.
Згодна з даследаваннем, больш за ўсё да інсульту схільныя пацыенты жаночага полу, а таксама людзі з нізкім узроўнем адукацыі і тыя, хто мае ген APOE — лічыцца, што ён іграе важную ролю ў развіцці хваробы Альцгеймера. Таксама навукоўцы лічаць, што такія адхіленні ў паказчыках сведчаць і пра наяўнасць фізічных пашкоджанняў мозга, напрыклад, пра пашкоджанні мелкіх сасудаў, дэгенерацыю нервовай тканкі і запаленне.
Вынікі працы дазволяць медыкам прапанаваць спецыяльныя меры прафілактыкі тым пацыентам, хто рызыкуе атрымаць інсульт. Размова можа ісці пра пераход да больш здаровага ладу жыцця або пра выпрабаванні новых лекаў.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»36
Каментары