У Смалявіцкім раёне затрыманы мужчына, які нападаў на дзяўчат. Ён выбіраў ахвяр у вячэрняй электрычцы
Першае паведамленне аб нападзе паступіла ў міліцыю 22 ліпеня. Невядомы схапіў за валасы дзвюх дзяўчат, якія вярталіся з электрычкі ў пасёлак Чарніцкі, і пацягнуў у бок кустоў, біўшы па галаве. Аднак дзяўчатам удалося ўцячы, паведамляе прэс-служба МУС.
Яшчэ адно падобнае злачынства адбылося ў ноч на 8 жніўня. У Смалявічах на 17-гадовую дзяўчыну напаў мужчына. У гэты раз зламыснік спрабаваў зняць з дзяўчыны і з сябе вопратку, але ахвяры ўдалося вырвацца.
Дзяўчына вычарпальна апісала знешнасць нападніка міліцыі, яго прыкладны ўзрост і адзенне, у якое ён быў апрануты. Праз некалькі гадзін мужчыну затрымалі ў Смалявічах.
Ім аказаўся 58-гадовы раней неаднаразова судзімы за згвалтаванні жыхар Барысава, які вызваліўся з месцаў пазбаўлення волі летась.
Вядома, што ён сядаў на вячэрнюю электрычку, па дарозе выбіраў ахвяру і выходзіў за ёй на яе прыпынку. Затым нападаў, каб згвалтаваць.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары