Прэм'ер Латвіі пра іракскіх мігрантаў: Хай просяць прытулку ў Беларусі, куды прыляцелі
У нядзелю латвійскія памежнікі спынілі 62 спробы незаконнага перасячэння мяжы краіны. У Радзе Еўропы і ААН раней заявілі, што права прасіць прытулак — адно з самых фундаментальных.
Аднак ва ўрадзе не збіраюцца мяняць уведзеную практыку, пра гэта заявіў кіраўнік Кабміна Крыш'яніс Карыньш. Прэм'ер-міністр заклікаў разглядаць сітуацыю на мяжы Беларусі ў кантэксце гібрыднай вайны, арганізаванай уладамі Беларусі, піша Delfi.
«У нас, як у краіны — удзельніцы ЕС, як у дэмакратычнага грамадства ёсць абавязак абараніць і сваіх жыхароў ад гэтай пагрозы гібрыднай вайны. І таму я згодны з усімі размовамі аб правах чалавека ў свеце, але дэмакратычнай дзяржаве трэба быць у стане абараніць сябе ў выпадку нападу.
Калі ў гэтых грамадзян ёсць скаргі на жыццё ў сваёй краіне, калі ім цяжка ці немагчыма там жыць, то ў іх ёсць усе правы папрасіць прытулак у краіне, куды яны прыляцелі — гэта значыць у Беларусі», — заявіў Карыньш.
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры6
Каментары