Пра такія планы старшыня грамадскага аб'яднання «Белая Русь» расказаў у эфіры YouTube-канала «Галоўны. Тур», піша БелТА.
«Грамадскае аб'яднанне «Белая Русь» застанецца грамадскім аб'яднаннем і будзе вырашаць вельмі вялікія задачы, якія стаяць перад нашым грамадствам у гуманітарнай сферы (медыцына, адукацыя, экалогія, шмат усяго), — падзяліўся планамі Генадзь Давыдзька. — А вось палітычная частка — менавіта барацьба за ўладу, за нашы каштоўнасці, за моцную прэзідэнцкую рэспубліку, за сацыяльныя дасягненні, якія ў нас ёсць і якімі мы ганарымся. Няма ніводнай краіны з такімі сацыяльнымі гарантыямі, як у нас. Ёсць яшчэ шэраг каштоўнасцяў, якія мы павінны бараніць з усіх сілаў. І для гэтага трэба змагацца за ўладу.
«Белая Русь» за ўладу не будзе змагацца. Яна будзе дапамагаць палітычным партыям і тым лідарам, меркаванне і пазіцыю якіх яна падзяляе».
Ён таксама адзначыў, што ў адпаведнасці з дзейным заканадаўствам грамадская арганізацыя не мае права засноўваць палітычную партыю: «Гэта павінны быць фізічныя асобы».
«Таму плануецца, што калі ў нас пройдзе рэферэндум, калі зробяць змены ў заканадаўстве аб палітычных партыях, калі будзе зразумелая роля партый (яна павінна змяніцца — роля партый — у фарміраванні ўрада і гэтак далей), калі будзе праведзена перарэгістрацыя партый, вось тады, хутчэй за ўсё, мы заявім аб сваіх амбіцыях», — распавёў ён.
«Рабочая назва партыі, якую група таварышаў (плануе стварыць), усе вядомыя прозвішчы, — «За Радзіму».
Мы збіраемся зрабіць такую праўладную партыю. Дык вось, «Белая Русь» — за Радзіму. «Белая Русь» застаецца «Белай Руссю» (грамадскім аб'яднаннем), а за Радзіму мы будзем змагацца ўсімі даступнымі нам спосабамі», — дадаў Давыдзька.
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў48
Каментары