Стаў вядомы расклад матчаў плей‑оф футбольнай Лігі чэмпіёнаў УЕФА, якія будуць паказаныя на Першым нацыянальным тэлеканале на наступным тыдні.
У ТВ‑праграме быў зарэзерваваны час для паказу матчаў, але праграма вярсталася тады, калі яшчэ не прайшло лёсаванне Лігі чэмпіёнаў.
Як паведамілі nn.by ў спартыўнай рэдакцыі Белтэлерадыёкампаніі,
у аўторак, 18 жніўня, у жывым эфіры на Першым нацыянальным тэлеканале (БТ) будзе паказаны матч «Сэлтык» (Глазга) — «Арсенал» (Лондан). Пачатак трансляцыі ў 21:35.
Пасля апоўначы — агляд матчаў дня (у гэты дзень згуляюць таксама «Тымішаара» — «Штутгарт», «Шэрыф» — «Алімпіякас», «Капенгаген» - «АПОЕЛ»).
а 01:10 ў запісе будзе паказаны матч «Спортынг» (Лісабон) — «Фіярэнціна».
***
У сераду, 19 жніўня, у жывым эфіры на БТ будзе паказаны матч «Ліён» (Францыя) — «Андэрлехт» (Бельгія), пачатак трансляцыі ў 21:35,
апоўначы — агляд матчаў дня (у тым ліку «Вентспілс» — «Цюрых», «Леўскі» - «Дэбрэцен», «Зальцбург» - «Макабі» Хайфа,
а 01:10 у запісе будзе паказаны матч «Панацінаікас» — «Атлетыка» (Мадрыд).
У чацвер, 20 жніўня, на тэлеканале «Лад» ў жывым эфіры матч плей‑оф Лігі Еўропы БАТЭ — «Літэкс». Трансляцыя з Барысава. Пачатак матчу ў 19:00.
