Грамадства33

Сталініст з Талачынскага раёна абурыўся практыкай, за якую ў Беларусі асудзілі тысячы чалавек

Проста ён упершыню трапіў у гэтыя жорны сам.

Мікалай Петрушэнка

Адстаўны палкоўнік, экс-дэпутат Вярхоўнага Савета СССР Мікалай Петрушэнка падрабязна распавёў, што адбылося з ім у апошнія дні, заўважыў канал «Витебск, я гуляю». Аказалася, што яго судзілі за публікацыі ва Укантакце, якія змяшчаюць спасылкі на так званыя экстрэмісцкія медыя. 

Петрушэнку судзілі за публікацыю 2017 года. Партал tut.by напісаў пра спаборніцтвы, у якіх удзельнічалі сын з унукамі Петрушэнкі. Адстаўны палкоўнік думаў, што лёгка дакажа ў судзе абсурднасць абвінавачанняў. Але ўсё аказалася не так проста. 

Петрушэнка даводзіць, што на момант публікацыі і потым яшчэ больш за 4 гады tut.by не зʼяўляўся экстрэмісцкім. 

«Талачынскі РАУС не можа цяпер дзейны артыкул 19.11 ч. 2 Адміністрацыйнага кодэкса, у частцы адказнасці за распаўсюджванне інфармацыйнай прадукцыі, унесенай у рэспубліканскі спіс экстрэмісцкай літаратуры, распаўсюджваць на адносіны, якія існавалі на момант маіх публікацый.

У змесце апублікаваных мною матэрыялаў няма заклікаў да экстрэмісцкіх дзеянняў. Яны не прапагандуюць такую ​​дзейнасць, а значыць, няма падставаў для прыцягнення мяне да адказнасці па артыкуле 19.11 ч. 2 Адміністрацыйнага кодэксу РБ», — піша ён. 

Петрушэнка піша, што распаўсюджаныя ім інфармацыйныя матэрыялы нельга лічыць «экстрэмісцкімі», бо «экстрэмісцкія матэрыялы — гэта інфармацыя, прызначаная для публічнай дэманстрацыі ў мэтах уцягвання ў экстрэмісцкую дзейнасць і яе прапаганды і прызнаная экстрэмісцкім матэрыялам рашэннем суда». 

«Я такіх мэт не ставіў! Падрыхтаваныя мною інфармацыйныя матэрыялы на заключэнне экспертаў не выносіліся, у судзе яны не прызнаныя экстрэмісцкімі, іх змест нават ускосна не можа выкарыстоўвацца ў экстрэмісцкіх мэтах», — піша ён. 

«Супрацоўнікі РАУС маюць права шукаць доказы маёй віны ў змесце маіх публікацый, але яны не маюць права гуртам абʼяўляць экстрэмісцкімі ўсё раней апублікаванае на цяпер забароненых сайтах. У краіне і без гэтага выяўлена і прызнана судамі дастатковая колькасць экстрэмісцкіх публікацый, пералік якіх складае тоўсты том з 1300 старонак», — абураецца ён. 

Выглядае, што Петрушэнка не ведаў, што ў Талачыне за мінулы год не менш за 2 дзясяткі чалавек судзілі менавіта па гэтых жа самых падставах. «Вось што бывае, калі сталінізм нечакана прыходзіць да сталініста, — піша канал «Витебск, я гуляю».

Мужчына неўзабаве пасля суда вырашыў выдаліць свае сацсеткі і праінфармаваў пра гэта намесніка кіраўніка Адміністрацыі Лукашэнкі: маўляў, радзеюць канапныя войскі, што за вас змагаюцца, прыміце меры. 

Суд у адносінах да Петрушэнкі пакуль нічым не скончыўся — справу вярнулі ў РАУС на дапрацоўку.

Каментары3

  • Цю
    30.04.2024
    «Вось што бывае, калі сталінізм нечакана прыходзіць да сталініста».
  • Долой утопию
    30.04.2024
    Сталинист- коммунист выступает против диктатуры и репрессивного преследования за взгляды. Когда самого прищемили. А раньше что не выступал за демократию, а за советскую утопию. А потому что не умен был. Зашорен догмами. Ещё раз подтверждается: образование и профессия ума не дают. А он к тому же был политработник в СА.
  • Ядвига
    30.04.2024
    Так и надо этому старперу
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп і Зяленскі пасварыліся ў жывым эфіры25

Трамп і Зяленскі пасварыліся ў жывым эфіры

Усе навіны →
Усе навіны

Лукашэнка сказаў, што людзям павінны быць па кішэні бульба, цыбуля і капуста, але не авакада7

Топ самых даступных новабудоўляў Мінска і топ самых камфортных

«Руская скрыпка на Браншчыне — феномен, пра які вы і не ведалі». Беларусаў раззлавала прыўлашчванне іхняй нацыянальнай культуры9

У Гомельскім раёне беспілотнік упаў і ўзарваўся, спаліў гаспадарчую пабудову3

Мужчына ў балаклаве ў Салігорску зняў грошы ў банкамаце. І зараз можа сесці на 10 гадоў

У 43 гады памёр былы ідэолаг кобрынскай міліцыі3

Зяленскі прыляцеў у ЗША 1

У Драздах прадаецца дом за $4 мільёны. Яго будаваў для сябе экс-міністр унутраных спраў Навумаў ФОТЫ8

ФСБ: Памочнік духоўніка Пуціна мітрапаліта Ціхана збіраўся ўзарваць яго ў манастыры6

больш чытаных навін
больш лайканых навін

Трамп і Зяленскі пасварыліся ў жывым эфіры25

Трамп і Зяленскі пасварыліся ў жывым эфіры

Галоўнае
Усе навіны →

Заўвага:

 

 

 

 

Закрыць Паведаміць