Па выніках агульнанацыянальнага апытання, праведзенага ўкраінскай сацыялагічнай групай «Рэйтынг», 96% украінцаў негатыўна ставяцца да Аляксандра Лукашэнкі. Але нават з такімі шалёнымі лічбамі Лукашэнка ўмудрыўся заняць толькі другое месца ў антырэйтынгу, бо ў Пуціна антырэйтынг 98%.
Яшчэ перад прэзідэнцкімі выбарамі 2020 года абсалютная большасць украінцаў, амаль дзве траціны, ставілася да Лукашэнкі пазітыўна.
Нават пасля выбараў, разгрому грамадзянскай супольнасці ў Беларусі і татальных рэпрэсій амаль палова ўкраінцаў ставілася да Лукашэнкі пазітыўна.
А вось вайна ўсё паставіла на свае месцы.
Украінцы пераважна пазітыўна ставяцца да заходніх лідараў, за выключэннем нямецкага. 54% украінцаў негатыўна ставяцца да канцлера Шольца.
Каментары