Адправіцца ў «Беларускі ваяж» можна будзе 5 і 12 жніўня з Беларускага вакзала Масквы. Для турыстаў будуць даступныя два кругавыя маршруты: Масква — Брэст — Мінск — Масква і Масква — Гродна — Мінск — Масква.
У абодвух выпадках паездка зойме чатыры дні і тры ночы — цягнік будзе адпраўляцца па пятніцах з Беларускага вакзала Масквы і вяртацца ў сталіцу Расіі ў панядзелак, паведамляе Zerkalo.io.
Падарожжа будзе праходзіць у фармаце «гатэль на колах»: ноччу турысты будуць ехаць на цягніку паміж гарадамі, а днём змогуць аглядаць славутасці.
Падчас паездкі па маршруце Масква — Брэст — Мінск — Масква турыстам прапануюць аглядную аўтобусна-пешаходную экскурсію па Брэсце, наведванне мемарыяльнага комплексу «Брэсцкая крэпасць-герой», паездку ў «Белавежскую пушчу» і замкавы комплекс «Мір», а таксама шопінг і экскурсію па Мінску. Кошт — ад 30880 расійскіх рублёў (ад 1840 беларускіх).
У выпадку выбару кругавога маршруту праз Гродна — экскурсія па Гродна, замкавы комплекс «Мір», а таксама экскурсія шопінг і экскурсіі па Мінску. Кошт — ад 27080 расійскіх рублёў (прыкладна 1620 беларускіх).
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова6
Каментары