Камандуючы лагістыкай Сухапутных войскаў Украіны Уладзімір Карпенка у інтэрв'ю часопісу National Defence паведаміў, якія на сённяшні дзень страты ў Узброеных сілаў Украіны ў бранятэхніцы і артылерыі. Па словах Карпенкі, Украіна ўжо страціла 400 танкаў, 1300 бронемашын і 700 адзінак артылерыі.
Карпенка таксама дадаў, што страты тэхнікі складаюць «30-40, часам да 50% у выніку актыўнага бою».
Ён патлумачыў, што каб паўнавартасна прыкрыць усю лінію фронту, дзе праходзяць актыўныя баі, Украіне трэба цалкам абсталяваць 40 брыгад. На гэтыя 40 брыгад агулам трэба 4 тысячы баявых машын пяхоты, 1 200 танкаў і амаль 2,2 тысячы артылерыйскіх сістэм.
«Вы павінны разумець, што працягласць лініі фронту складае 2500 кіламетраў. Лінія фронту, дзе ідуць актыўныя баявыя дзеянні, працягласцю больш за 1000 кіламетраў. Гэта як ад Кіева да Берліна», — сказаў генерал.
Ён таксама дадаў, што міжнародная дапамога пакрывае толькі 10—15% ад патрэбаў украінскай арміі.
Мяркуючы па падліках незалежных аналітыкаў, якія збіраюць усе факты знішчэння тэхнікі, пацверджаныя фотамі ці відэа, па стане на сёння Расія панесла страты ў тэхніцы ў 2—4 разы большыя, чым Украіна. Толькі страты ўкраінцаў у авіяцыі большыя, чым у расіян.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары