Былую лідарку М'янмы перавялі ў адзіночную камеру. Раней яе асудзілі на 11 гадоў
Грамадзянскі лідар М'янмы Аун Сан Су Чжы пераведзеная з-пад хатняга арышту ў адзіночную турэмную камеру ў сталіцы краіны Нейп'іда.
Увесь апошні год яна знаходзілася ў сталіцы, аднак месца яе ўтрымання не раскрывалася.
Падчас папярэдніх судовых працэсаў яе ўжо асудзілі да 11 гадоў зняволення паводле самых розных абвінавачванняў, якія яна адмаўляе і называе палітычна матываванымі.
Су Чжы ў 1988 годзе вярнулася з Брытаніі ў М'янму і ўзначаліла апазіцыю, 15 гадоў правяла пад хатнім арыштам. У 1991-м стала лаўрэаткай Нобелеўскай прэміі міру. З'яўлялася дзяржсаветнікам з 2016 па люты 2021 года. На пасаду прэзідэнта прэтэндаваць не магла згодна з мясцовым заканадаўствам.
1 лютага 2021 года м'янманскія вайскоўцы зладзілі пераварот і абвясцілі пра ўвядзенне надзвычайнага становішча тэрмінам на год і зняцце кіраўніцтва краіны, уключаючы прэзідэнта Він М'іна і Аун Сан Су Чжы. Прадстаўнікі войска патлумачылі гэта маштабнымі фальсіфікацыямі, якімі, як яны сцвярджаюць, суправаджаліся усеагульныя парламенцкія выбары, якія прайшлі ў лістападзе 2020 года, на якіх зноў перамагла Су Чжы.
Тады хунта абвінаваціла Су Чжы ў парушэнні дзяржаўнай таямніцы, нелегальным увозе партатыўнай радыётэхнікі, выкарыстанні гэтай апаратуры без дзяржаўнай рэгістрацыі, парушэнні рэжыму надзвычайнага становішча і атрыманні хабару. Яе арыштавалі 1 лютага наўпрост у кабінеце, з таго моманту да суда яе ніхто не бачыў.
Чытайце таксама:
М’янма: што адбываецца, калі сілавікі робяцца ўладнай кастай
Віктар Марціновіч: Як канчаецца дэмакратыя. Урокі М’янмы
Мільёны людзей далучыліся да ўсеагульнай забастоўкі ў М'янме
У М'янме падчас пратэстаў за адзін дзень забілі больш за 100 чалавек. Сярод ахвяраў ёсць дзеці
Азаронак напісаў пра палітэмігранта — пасля гэтага брата і бацьку таго кінулі за краты2
Каментары